اسئله ترفع الضغط من كثر غباء هذي الاسئله ودك تكفخ الي يقولها لك مثلا : -
انت الحين بغرفتك منسدح بفراشك ومطفي النور فجأه يدخل عليك
اخوك\اختك ويفتح الباب ويقولك بتنام ؟!! ( لا برقص - اكيد بنام !! )
ـــــــــــــــــــــــــ
انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
ويصرخ عليك ويقول بصوت عالي :- هااا بتطلع !! ( لا بجرب الباب زين ولا لا )
الصراحه سؤال خطير !!
ــــــــــــــــــــــــــــ
انت قاعد بغرفتك وماسك الكتاب قاعد تدرس .. يدخل عليك واحد من اهلك يقولك
هاا قاعد تدرس !! ( لا افرش اسناني - يعني ماسك الكتاب شسوي اكيد ادرس )
ــــــــــــــــــــــــــــ
انت الحين بالكافيه صدفه شفت واحد من الاهل .. قالك هاا شتسوي هنا !!
( ابيع بنك ) !! لا تعليق
ـــــــــــــــــــــــــ
لا وتعالو شوفو قنواتنا العجيبه اهما واسئلتهم !!
مثلا بالعيد بيقابلون واحد من الناس شوفو الحوار :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- وشتقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( لا منه المال ومنها العيال))
يعني السؤال تحفه والمذيع ومعد البرنامج اتحف على هالسؤال
ــــــــــــــــــــــــــــــــــ
والأسخف من هالبديهيات اللي تضيع وقتنا إذا قابلو الاطفال, , ,
يقول المذيع لطفل :- أنت تحب ماما وبابا ! ! !
(( لا احبك انت )) سؤال غبي الصراحه !!
----------------
برنامج مسابقات على الهوا :-
المتصل :- الوو السلام عليكم
المذيع :- وعليكم السلام هلا وغلا
المتصل:- ممكن اشارك
(يعني انت داق علشان تشارك ليش تستأذن !! من زوود الذكاء)
ـــــــــــــــــــــــ
منقول