يا عاااااااااااااااااااااااااااااصم

يا جماعة أنا ملاحظ ان في بعض الاعضاء

مبيدخلوش بقالهم فترة ، فأنا بقترح اللي عايز يطمن علي اي عضو

يسأل عليه في الموضوع ده و اللي يعرفه

يقولنا ظروفه ايه؟ عشان بس نطمن عليه

و أنا بسأل عن عاصم يا رب يكون بخير

و يرجع لمنتداه بسرعة

فينك يا عم وحشتنا

اللي يعرف عنه حاجة يا ريت يطمنا و يبلغه اننا

سألنا عليه

معرفش عنه حاجة

صح يا كبو برافو عليك
أنا برضه باسأل عاصم راح فين
وبانادي زيك ياااااااااعااااااااااصم
إنت نسيت ولا إيه ( وذكر فإن الذكرى تنفع المؤمنين)
كل يوم نفتح المنتدى نشوف هنستفيد منك إيه النهاردة لكن مش بنلاقيك
عايز تنتفع بالعلم لوحدك ولا إيه

وكمان يا جماعة فين رؤى وطم طم وأحلى حب وروضة والناس اللي اتولد
على إيديها المنتدى
وفين يا رؤى شعار الأسبوع ده
إنتي نستينا ولا إيه

أنا معرفش الناس دي بتروح فين يمكن

في منتدى تاني بيدخلو عليه

صحيح يا جماعة عندكم حق

في ناس كتير مختفية هما فين؟

كانت الاول فترة امتحانات و خلصت

مفيش دلوقتي غير الثانوية العامة او بقي يكونو في مصيف

يا ريت يرجعوا بسرعة عشان بجد احنا اتعودنا في المنتدي نكون مع بعض

و انا بضم صوتي لصوت كبو و تمر حنة فينك يا عاصم و فين مواضيعك المفيدة

ولا خلاص مش عايز حسنات تاني بس احنا لسه عايزين

وحشاني قوي يا تمر حنة ...وحشتوني كلكم

معلش يا تمر حنة كان عندي ظروف هي اللي منعتني عن المنتدى اليومين اللي فاتوا

كنت في حالة إ كتئاب لم أشعر بها في حياتي ......الأسباب كتير وجت كلها مرة

واحدة ....أذكر لك سبب منهم : جارتي إبنها عنده أربع سنين وقع من الدور الثالث

وهو دلوقت ف المستشفى حالته صعبه .....ربنا يصبر أمه .....اليومين اللي فاتوا

كنت حاسه إن الدنيا وحشه قوي ......والحمد لله على كل حال .

يا رب يطلع بالسلامة

عقبال باقي الأعضا ء لما يدخلو

ويقدمو لنا مواضيع جديدة ومفيدة

شوفي يا رؤى
أحيانا الإنسان يصيبه اكتئاب ويحس الدنيا ضاقت في وشه
لكن تحصل مصيبة لحد جنبه
يعرف إن كل المشاكل اللي عنده ضئيلة بجوار مصيبة جاره
يعني جارتك اكيد كانت تتمنى يكون عندها كل المشاكل اللي عندك
ولا إن ابنها يحصل له كده
ندعو الله أن يشفيه لها وأن يعود مرة اخرى غلى بيته يملأه لعب ومرح
ويا اعضاء المنتدى تعالوا نوحد الدعاء بشفاء ابن هذه الأخت المسلمة

السلام عليكم ورحمة الله وبركاته

ازيكم يا جماعة

أنا عارفه ان عاصم كويس بس هو مشغول في الشغل

وأنا كان عندي امتحانات وأخيرا خلصت انهارده

وان شاء الله هحاول أدخل على المنتدى كل يوم لأنه وحشني I love you

انتي لسة مخلصة امتحنات النهردة

أنا خلصت من زمان

يلا فين باقي الأعضاء

أنا كمان أخيرا خلصت إختبارات......الدراسة مملة

إنتو فين يا باقي الأعضاء

السلام عليكم ورحمة الله وبركاته

جزاك الله خيرا يا كابو على سؤالك وجزاكم الله خيرا جميعا

معلش أنا آسف لانقطاعى هذه الفترة ولكن كان هناك ظروف خارجة عن إرادتى

وإن شاء الله سأتواصل معكم باستمرار

ويعلم الله انى كنت مفتقدكم كثيرا ومفتقد المنتدى طوال هذه الفترة

الي بعده

لحظه يا رؤى وقع من الدور الثاني وليس الثالث

ويرب اشفي كل المسلمين آمين

جميل روح التواصل اللى بين أعضاء النتدى وحمدلله على سلامة الجميع

متنسيش يا نونة إن في دور

أرضي ( عالي) يعني يعتبر دور

والولد وقع من الدور الثاني فيعتبر الثالث

وعموما مش مشكلة وقع من فين

المهم ربنا يشفيه إن شاء الله

ويرجع بيته سليم وربنا يشفي جميع

مرضى المسلمين آآآآآآآآمين

آآآآآآآآآآآمين

كابو كان حط الموضوع ده وقال اللي عايز يسأل عن حد يسأل هنا

وأنا بقول يا ريت اللي يبقى عارف إنه ح يغيب عنا شويه لأي سبب

يبقى يقول قبلها عشان ما نقلقش عليه

والنهارده شمعه ونونه المجنونه وجوست سافروا و ح يغيبوا عنا شويه

حبيت أقول لكم عشان أطمنكم وبقول لهم ح توحشونا

ياااااااااه والله فعلا يا رؤى هيوحشونا
وخصوصا شمعة بخفة دمها
ربنا يرجعهم بالسلامة

ربنا يرجعهم بالسلامة

وان شاء الله ميغيبوش علينا

السلام عليكم ورحمة الله وبركاته :-

إزيكم جميعا .....أنا قلت اقول لكم إن أنا ح اغيب عن المنتدى حوالي أسبوع

لإني بفضل الله رايحه أعمل عمرة النهاردة .......إن شاء الله مش ح انساكم

كلكم بالدعاء .....وأسأل الله قبول العمرة وقبول الدعاء .

وأسأل الله أن يمن عليكم جميعا بالعمرة والحج .....اللهم آمين .

والسلام عليكم ورحمة الله وبركاته

ما شاء الله يا رؤى
ألف مبروك مقدما يا حبيبتي
وما تنسيناش بالدعاء
وما تنسيش تاخذى معاكي كمامات
علشان أنفلونزا الخنازير
ترجعوا بالسلامة يا حبيبة قلبي

الله يسلمك يا تمر حنة ...

إن شاء الله ح ادعي لكم كلكم

ومش ناسيين الكمامات .....دى أول حاجة ....وربنا يستر

ما حدش شاف جوكي
و كمان أحلى حب
اللي يعرفهم
يقول لهم إحنا في انتظارهم

صحيح يا اماية هما اختفوا وين ؟