قبل جوازي أنا كنت فريش

قبل جوازي انا كنت فريش
اخرج ...ادخل
اطلع...انزل
شايفه الدنيا بأجمل وش
كان عندي طموحات خياليه
وصلت لوزارة الخارجيه
بس الاحلام نزلت دش
عيل والتاني ورا بعضه
وابوهم مافي حاجه بتسده
طلبات طلبات مابتخلصش
في سيرك البيت انا دبه وقرده
ويوماتي من هده لهده
مسح وطبخ وترويق فرش
بقى اقصى طموحاتي انام
او اخد راحتي في حمام
يا خلق سيبوني عاوزه اخد دش
وان قلت في يوم حبه رومانس
جوزي يقوللي اكبري بلا هلس
ده ابنك ع المدرسه هيخش
يقعد جنبي سكوت في سكوت
نفسي يقوللي انا فيكي بموت
لو حتى بسبيل النتش
سامحوني على رغيي معاكم
انا قلت افضفض وياكم
مانا ليا غيركم ملاقتش

منقول (بس عجبني)

ههههههههههه
وليه التعقيد ده بس من الجواز يا تمرحنة
تعرفي أنا لو وصلت للمرحلة دي بعد الجواز هاأقول إيه:

هاعيش للي حواليه
واحب اللي حوالية
كفاية تمني رومانسية
ونظرة فيها حنية
وكلمة حب وردية
ووردة تجيبها لي هدية
وعيشة هنية مش لية

شعر من المدرسة الواقعية