كرسى الاعتراف................!

مفيش حد تاني هيسألني ولا ايه؟؟؟

ما شاء الله على شخصيتك يا سندريلا
وربنا يحقق لك أمنيتك في حفظ القرآن
وأنا هاسألك شوية اسئلة مثلا :

1- مين المثل الأعلى ليكي ؟
2- اتعلمتي التريكو فين ؟
3- لو معاكي هدية تقدميها لشخص واحد ... تقدميها لمين؟
4- إيه الشيء اللي مش بتحبي تعمليه .. ومع ذلك بتضطري تعمليه كثير ؟

كلمة في ودنك : انا كمان مش باحب اغسل المواعين (بس طبعا باغسلها كل يوم)

1- مثلي الأعلى في حياتي ماما وبابا لكن طبعا مثلنا الأعلى كلنا الرسول صلى الله عليه وسلم.

2- اتعلمت التريكو من واحده صحبتي.

3- السؤال ده صعب أوي بس أنا هابعد عن الأسرة شويه وأحب أقدمها لمدرسة كانت
بتدرسني في المدرسة السنتين اللي فاتو لأن ليها فضل كبير أوي عليا بعد ربنا سبحانه وتعالى وأنا بحبها جدا وزعلت أوي لما عرفت انها مشيت من المدرسة وان أنا
مش هشوفها تاني بس أنا دعيت ربنا إني أقابلها في مكان مختلف-* في الجنة*- هي وكل
الناس اللي بحبهم مع الرسول صلى الله عليه وسلم.

4- مبحبش أبعد عن أهلي في مصر لمدة طويلة ... بس أنا مضطرة أعمل كده لأن
هي دي الظروف.

أنت بنت جميل يا سندريلا

و انا هسألك سوية أسئلة:-

1 - لو عندك كتاب مفيد و مسلي ولازم ترجعيه لصاخبته بكرة ضروري

ومس ينفع تستلفيه تاني

، و اللي في البيت هيخرجوا فسخة جميلة كان نفسك فيها من زمان

تقعدي تقري الكتاب ولا تخرجي....؟

2- لو انت مكاني و عندك ام يني خبيبتي و عايسه معاك في البيت

هتبقي عامل ازاي خبيبي؟ قولي ارجوك ؟

3 - مين اكتر عضو بتخب مواضيعه و تعليقاته ؟

1- أنا هاخرج لأن الفسحة دي مش سهل تتكرر وعشان أنا نفسي فيها من زمان
لكن المعلومات المفيدة اللي في الكتاب أكيد بعضها هيتكرر في أي كتاب تاني أو ممكن أسمع المعلومة دي في التليفيزيون أو في أسمعها من واحده صاحبتي.

2- لو عندي أم يني زي اللي في المنتدى دي أنا هبقى فرحانه يا خواجة دي شكلها
ظريفة أوي ويادوب بتهزر بالساطور وأكيد مش هازعل منها زي ما أنت عملت
وأنت المفروض تحمد ربنا عشان معندكش أم يني بترفع عليك الساطور ولا بتشتغل
في المدبح.

3- بصراحة يا خواجة أنا بحب كل المواضيع والتعليقات بتاعة كل الأعضاء مفيش
عضو محدد يعني مثلا بحب موضوعات رؤى وتمر حنة لأنها مؤثرة وليها معاني
تمس القلب وموضوعات وتعليقات عاصم لأنها دينية وبتفيدني كتير وموضوعاتك أنت
وزهرة البستان مثيرة وجديدة وموضوعات شمعة الحياة وفلاور المضحكة واللي
بتفرحنا وتعليقاتك أنت والصعيدي ومواضيع كبو وتعليقاته على تعليقات الصعيدي
ومواضيع أدمين المميزه .

يا بت يا سندريلا يا دبلوماسية

أسأل الله العظيم أن يحقق لك كل ما تتمنيه

المدة خلصت

أختار النورس الحزين

جهزوا الأسئلة للعضو الجديد وعدوا الأيام من دلوقتي

أهلا أيها الحزين

انت بتدرس فين

اتعلمت فين التصميمات اللي بتعملها

ليه ما تجيش انت منتدانا وتورينا ابداعاتك .ليه احنا اللي نروح منتداك

النورس الحزين لسه ما ردش عليك يا كونان

واضح إنه ما شافش الموضوع ده

شكله مش حيدخل

أختار حكيم

يلا جهزو الأسإلة وعدوا الأيام من دلوقتي