نكت علماشى

مرة واحد عصبي اتجوز وحدة عصبية الدكتور جاى ينزل الولد قاله اوعى ياعم انا نازل لوحدى

*-*-*-*

مجموعة دول تبرعت للصومال بشحنة ادوية ، فرجعتلها الصومال كلها ليه ؟- لانها كلها بعد الاكل

*-*-*-*

واحد ندل قعد يتحايل على حبيبته علشان تخرج معاه لمده سنه ولما وافقت راح قال لابوها

*-*-*-*
مره
واحد عنده مزرعه فراخ وكانت فشله جدا راح لمهندس زراعى قاله انا مش عارف
ازرع الفراخ قاله ليه قاله زرعتها من رجليها مطرحتش زرعتها من جناحها
مطرحتش زرعتها من دماغها مطرحتش المهندس قاله هات عينه من الارض

*-*-*-*

واحد
ساكن فى الدور التاسع وتحتيه بقال كل شويه الراجل صاحب البقاله ينده عليه
ويقول له تليفون ليك وكل شويه الراجل يفضل يطلع وينزل يرد على التليفونات
واحد صاحبه شافه فقال له ما تشتريلك موبايل احسن اام الراجل اشترى الموبيل
واده للبقال وقال له اى حد يتصل بيه اندهلى

*-*-*-*

جماعة
في مستشفي المجانين قرروا الهروب فالزعيم بتاعهم قال لهم الخطة بسيطة،
ناخد معانا سلم عشان لو لقينا السور عالي نطلع السلم، و لو لقيناه واطي
ننط من فوقه. فلما وصلوا لقوا ان المستشفي من غير سور قالهم ياللا نرجع
الخطة فشلت

*-*-*-*

واحد غبى لقى قرد فى
الشارع .فراح لعسكرى المرور وقاله اوديه وين . قاله وديه حديقة الحيوان
فراح ورجع تانى يوم لعسكرى المرور والقرد معاه. قاله العسكرى مش قولتلك
وديه حديقة الحيوان. فرد عليه الغبى ما انا وديته امبارح حديقة الحيوانات
اليوم راح أوديه السينما

*-*-*-*
واحد عنده
أرق ونفسه ينام..قاله صاحبه "عد من واحد إلي 500 وهتنام..فأخذ يعد حتي وصل
إلي 109 فشعر بالنعاس قام يغسل وجهه حتي يصل إلي 500

*-*-*-*

مرة اثنين كذابين بيقول واحد للتانى :أنا مرة قريت الجرنال من وراء ضهرى، التانى قاله :ايه ياعنى تصدق إن أنا قريت كلمة من غير حروف

*-*-*-*
مدرس
بيقول للتلاميذ اكتبوا ورايا ذهب محمد الي مصيف يوم الاربعاء فطالب سأله
لو سمحت يا استاذ هي الهمزة على السطر ولا على ألف، سكت المدرس شوية
وبعدين قاله خلاص يا ابني خليها الخميس

*-*-*-*

واحد حرامى والتانى ندل فالندل بيقول للحرامى علمنى السرقة فسرق محفظة واحد وقالوا اهو علمنى انت بقى الندالة، راح مسكوا وقال حرامى

*-*-*-*مرة

واحد مجنون كان بيكتب جواب فدخل الدكتور عليه قاله بتعمل ايه قاله بكتب
جواب لنفسي فراح الدكتور قاله بتكتب فيه ايه فرد عليه المجنون يامجنون هو
لسة جالي عشان اعرف

*-*-*-*

واحد أهبل وهو
نازل من البيت أمه سالته رايح فين؟ فقال لها مش هقولك انا حر ، نزل ووقف
تاكسى فالسواق ساله على فين يا باشا؟؟؟ قال له يعنى أنا مقولتش لامى هقول
لك أنت

*-*-*-*
مره واحد غبي راح السنيما هو ومراته اول ما النور طفا قال لها قومي يا وليه شكلهم راح يناموا
*-*-*-*
غبي
معدي من امام مزرعة ابقار حب يعرف ازاي البقر بيتزرع دخل يسال الراجل قاله
تجيب شوية سكر وترشهم على الارض وتاني يوم هتلاقي البقر طلع عمل الغبي زي
ما الراجل قاله، صحي تاني يوم لقى نمل مكان السكر فرح اوي وقال يا حلاوة
ده البقر وهو صغير

*-*-*-*
مرة في 3 بخلاء
راحو لي تبرع لجمعية خيرية فالاول قال انا حطلع مبلغ و ارميه علي الحيطة و
اللي يلزء حتبرع بيه اللي يوقع اخدو انا و التاني قال انا المبلغ اللي
ارميه في السما و يلزق حتبرع بيه اللي ينزل حخدو انا و التالت قال انا
حرسم خرم و ارمي الفلوس اللي يوقع جوة حتبرع بيه

*-*-*-*

بخيل
راح عشان يتجوز ابو العروسة بيقولوا احنا عايزين مهر عشر تلاف جنية البخيل
قاله: ايه عشر تلاف جنية ده انا معروض عليا بالفين وحامل كمان

*-*-*-*

سألوا
بخيل : لو الدنيا برد تعمل ايه؟ قال : اقعد جنب الدفايه قالولوا لو الدنيا
برد موت ؟ قال: الزق في الدفايه قالولوا : طب لو الدنيا بقت تلج؟ قال:
أمري لله .......... أفتح الدفايه وخلاص
*-*-*-*
واحد بخيل عندو ثلاث تفاحات فتح الاولى لقى فيها دود التانية فيها دود وصل للثالثة طفا النور و أكلها

*-*-*-*
رقد
الرجل على فراشة يغالب الغيبوبةوكلما افاق وجد زوجتة بجوارة وتنظر الية
بحنان فامسك بيدها قائلا: لما اترفدت وقفتى معايا، ولما شركتى فلست كنتى
جنبى، ولما بيتنا اتحرق كنتى جنبى ، ودلوقتى انتى برضة جنبى ، مش عارف لية
انا حاسس انك نحس

*-*-*-*
مرة واحد ماشى مع
خطيبته واخر انسجام فقالها "عارفة ايه هو الحب وايه الجواز؟" قالته "لا"
قالها: "الحب زى النجوم الجميلة اللى فى السماء" قالتله"طب والجواز؟"
قالها:"دى البلاعة اللى واحنا بنبص على النجوم بنقع فيها

*-*-*-*

واحد
متجوز وقاعد في البيت وبيبص كتير في عقد الزواج، مراته قالت له: "بتبص في
عقد الزواج ليه يا حبيبي؟" قالها: "مش عارف يا حياتي المأذون كتب تاريخ
انتهاء العقد فين"

*-*-*-*

واحد بيقول لمراته

... انا النهاردة عايز رومانسية فى البيت ... راحت الزوجة سألت امها :
يعنى ايه رومانسية ؟؟ الام : مش عارفة بس احتياطى إنقعى الرز

*-*-*-*
عريس
وعروسته في يوم الفرح وهم داخلين القاعه وماسكين ايد بعض العروسه فجأه
سابت ايده وطلعت تجري قال لها "على فين؟" قالت له "بسرعه بسرعه عشان نلحق
مكان

واحد بيقول لمراته

... انا النهاردة عايز رومانسية فى البيت ... راحت الزوجة سألت امها :
يعنى ايه رومانسية ؟؟ الام : مش عارفة بس احتياطى إنقعى الرز




و هو هيستناها لما تنقع الرز اياك

تطبخه علي طول و تخليها واعية

عريس
وعروسته في يوم الفرح وهم داخلين القاعه وماسكين ايد بعض العروسه فجأه
سابت ايده وطلعت تجري قال لها "على فين؟" قالت له "بسرعه بسرعه عشان نلحق
مكان


دي من بلدكو ولا ايه يا صعيدي


ههههههههههههههههههه

هههههههههههههههههههه ايه يا جماعه الردود الجميله دى

جميل يا أحلى حب .. شطورة
خفي عن الصعيدي شوية يا طم طم
لحسن يستناكي في الذرة

واحد
متجوز وقاعد في البيت وبيبص كتير في عقد الزواج، مراته قالت له: "بتبص في
عقد الزواج ليه يا حبيبي؟" قالها: "مش عارف يا حياتي المأذون كتب تاريخ
انتهاء العقد فين"


هههههههههههههههههههههههههههههههههه

مرسى يا جماعه انا فرحانه جدا عشان الردود الحلوه دى